台灣 台北 小編遊記 旅遊指南

Top5台北人氣珍珠奶茶店推薦!

tw tea

夏日炎炎,相信大家行街嘅時候都試過買番杯手搖飲品消暑,而珍珠奶茶更加當中嘅佼佼者。作為台灣最具代表性嘅飲品,珍珠奶茶由1990年代傳到香港之後就成為最多人喜愛嘅飲品之一。但係唔知大家又有無試過喺珍珠奶茶嘅發源地──台灣,飲地道嘅珍珠奶茶呢?今次小編就為大家介紹5間台北各具特色嘅珍珠奶茶店,作為奶茶控嘅你喺時候出發制霸全台北珍奶喇!

 

【輸入Coupon TEA0718另減$50】台灣來回機票優惠$590+

優惠推廣期至2018年7月24日

1. 珍煮丹

1

圖片來源

珍煮丹由2010年起家後,人氣勢如破竹!由夜市攤檔做到入舖,再發展到而家20幾間分店,可以睇得出幾受台灣人喜愛!而珍煮丹咁多款人氣嘅飲品之中,「黑糖珍珠鮮奶」最受人歡迎!根據店員提議,由於黑糖珍珠本身帶有甜味,第一次飲嘅客人可以先叫3分甜試吓!

 

2. 陳三鼎黑糖青蛙鮮奶創始店

2

圖片來源

陳三鼎係全台只有一間店,位於台北公館,係唔少人到公館一定幫襯嘅飲品店之一。據聞陳三鼎係最早發明「青蛙撞奶」嘅飲品店,而所謂青蛙撞奶即係指喺黑糖珍珠中撞入純鮮奶。由於青蛙撞奶實在太出名,引黎咗好多同行模仿,所以陳三鼎把「青蛙撞奶」改名為「青蛙鮮奶」,驚客人買錯。除咗青蛙撞奶外,陳三鼎仲有好多其他青蛙系列商品,大家到台北旅行嘅時候記住唔好買錯!

 

3. 丸作食茶

3

圖片來源

丸作食茶係全台灣第一間即場製作珍珠嘅台式飲品店!大家可以透過玻璃睇到師傅製作珍珠嘅過程,新鮮度大UP! 除咗常見嘅黑色珍珠外,丸作食茶仲有其他別具特色嘅「四色珍珠」~ 雖然珍珠七彩繽紛,但係所有顏色都係黎至食物原材料嘅天然色素。丸作食茶堅持唔用任何人造色素同防腐劑,每日現做珍珠,比大家食得開心又健康!其他特色人氣商品有:宇治抹茶拿鐵、粉紅仙人掌珍珠綠拿鐵等,口味多元化!

 

4. 春水堂

4

圖片來源

講到珍珠奶茶,唔可以唔提全世界珍珠奶茶嘅發源地「春水堂」!據聞喺1987年,春水堂經理林秀慧一次偶然嘅機會下將地方小食「粉圓」加入凍奶茶同檸檬紅茶做調配,就制造出世上第一杯珍珠奶茶喇!大家黎到台北不妨到春水堂,品嚐由創始地所調配珍珠奶茶啦!

 

5. 迷客夏

5

圖片來源

迷克夏最大嘅特色就係鮮奶,全店所有商品都採用自家「綠光牧場」嘅鮮乳調製!以健康、自然、無負擔為宗旨,帶比客人最自然,順滑,香濃嘅味道。除咗鮮奶外,迷克夏另一個特色就係口感Q彈嘅蜂蜜白珍珠!小編非常推薦大家試吓迷克夏嘅招牌飲品「珍珠大正紅茶拿鐵」!大正紅茶本身帶有濃烈茶香,配上迷克夏引以自豪嘅鮮奶同珍珠,絕對令您回味無窮!

喺依5間珍珠奶茶店之中,小編最鍾意嘅就係迷客夏嘅珍珠奶茶!一諗起香濃嘅茶香同鮮奶味,再加上煙韌嘅珍珠,小編都想即刻飛去台北嘆番杯!想知多啲台灣嘅旅遊情報,就要留意住 texpert.com 喇!

 

去台灣前,您可以留意:

【教你最抵最快】台北桃園機場去市區
【去台灣前必備】台灣URoaming 4G WiFi蛋 (香港領取)
【海拔2千米】台北新竹雪霸休閒農場雲霧步道一日遊

 

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s