美國 美洲 關島 小編遊記 旅遊指南 歐洲

【3日2夜|關島玩樂整理 (下)】

關島玩樂整理 (下)話咁快就去到最後一集喇,伍樂怡、鄺潔楹帶我哋先駕駛小型飛機,之後示範整關島特色小食 – 椰子絲糖、去埋浪漫嘅彩虹教堂、參觀水族館同體驗海底漫步,同大家玩盡關島!

小型飛機|飛行體驗

3pic4

圖片來源

原來想感受喺天空自由自在、飛嚟飛去嘅感覺,除左去跳傘外,仲可以駕駛小型飛機。今次伍樂怡、鄺潔楹兩姊妹帶我哋喺關島衝上雲宵!喺導師講解完之後,就可以開始歷時30分鐘嘅飛行體驗,全程由經驗豐富嘅導師陪同嘗試駕駛小型飛機,由機場出發,途經情人崖、杜夢灣、亞加納灣同阿布拉灣,然後再折返機場。成個過程可以喺空中飽覽北部嘅海岸線美景,感受大地在腳下嘅震撼!小型飛機可以帶兩位朋友同行,一齊體驗呢𠴱飛行之旅。完成體驗後會收到證書作為紀念添!

關島小食|椰子絲糖

3pic1

圖片來源

玩完咁刺激嘅活動,當然食返啲甜品嚟平復下心情!伍樂怡、鄺潔楹對住無敵大海景親手落廚教整關島嘅特色小食 – 椰子絲糖,佢哋先用新鮮嘅椰子刨成絲,之後將砂糖炒成金黃色,再加牛油同椰子絲就咁就完成啦!

消暑甜品|最新潮刨冰店

3pic2

圖片來源

喺咁熱嘅天氣最啱食啲冰涼嘅甜品消暑。關島有間最新潮嘅刨冰店,最出名嘅就係彩虹口味嘅刨冰,入面包括有芒果、草莓同藍莓等口味。爆炸頭形狀嘅刨冰,原來係可以增加刨冰嘅密度令其口感更細密。除咗刨冰之外,依到仲有雪糕食,其自家制雪糕不含麩質同膽固醇,係低脂肪雪糕嚟架,食幾多都唔怕肥喇!

海底漫步|體驗海洋世界

3pic3

圖片來源

食完刨冰,伍樂怡、鄺潔楹帶我哋去參觀水族館同海底漫步!海底漫步只需要戴住氧氣頭盔就可以去玩,唔需要識得游水,都可喺關島水深五至八公呎下嘅魚眼公園漫步,近距離觀賞各式各樣嘅熱帶魚、海龜同鯊魚!

結婚勝地|關島彩虹教堂

3pic5

圖片來源

之後嚟到著名嘅彩虹教堂,呢到俾人感覺乾淨又舒服,新郎新娘可以貼近一望無際嘅大海進行婚禮。呢嗰教堂象徵純潔嘅白色外牆,加上代表夢想同幸福嘅彩虹玻璃,整間教堂就似一道浮喺水面嘅彩虹,寓意係帶領一對對新人走向美麗人生。嚟旅行嘅朋友當然唔好錯過嚟呢到「打卡」留念!

浪漫約會勝地|情人崖

3pic6

圖片來源

最後一站嚟到關島最出名嘅約會勝地 – 情人崖,呢到有個淒美浪漫嘅傳說。話說古時有個西班牙貴族少女同原居民少年相戀,但少女嘅爸爸將佢許配俾一位軍官,結果呢對小情人相約喺呢到跳崖殉情。隨住時間嘅轉變,呢到就成為左約會勝地,同女/男朋友一齊鎖上情人鎖寓意一生一世。

伍樂怡同鄺潔楹嘅關島之旅終於告一段落,更加了解同認識關島,有興趣嘅朋友就快啲出發去關島喇。

有關其他詳情資訊:

-關島3/4晚自由行

發表迴響