小編遊記 旅遊指南 日本 九州

福岡市巴士放題~ 附一日遊推薦行程

福岡市內一日乘車券0711位於北九州嘅福岡市,可以話係成個九州最熱鬧嘅地方。要美食有美食,要美景有美景,絕對係遊九州必去地區之一。就算大家對福岡市唔熟識,應該都有聽過非常出名嘅博多拉麵!而博多正正就係福岡市政治、經濟嘅中心。為咗方便大家,日本西鐵推出咗福岡市內一日乘車券,喺一日內任搭大部分福岡市內嘅公營巴士。如果你揀「福岡市內 +太宰府 1日乘車券」,就可以憑依張一日劵乘搭特色巴士「旅人號」,喺福岡機場,博多同太宰府之間來住。而今次小編就為大家設計咗一個簡單嘅「太宰府+福岡塔+天神一日遊行程」俾大家參考,教大家點樣盡用張乘車券。

 

9:00am 由博多巴士總站出發太宰府

「旅人號」巴士

fk1圖片來源

先用太宰府「旅人號」巴士1日乘車券,搭乘「旅人號」由博多巴士總站到太宰府。每架「旅人號」都印有特色嘅外觀彩繪,單程票價為600yen。

 

太宰府市

太宰府市位於福岡市中部,有好多出名嘅歷史觀光景點,如太宰府天滿宮,每年吸引數以百萬計嘅遊客到訪。

太宰府天滿宮表參道

fk2圖片來源

由太宰府車站走向太宰府天滿宮之間嘅街道就係「太宰府天滿宮表參道」喇!街道兩邊嘅商店有各式各樣嘅記念品等住你買。

太宰府天滿宮

fk3圖片來源

太宰府天滿宮供奉住學問之神菅原道真,同北野天滿宮一樣係全日本天滿宮嘅本社。有唔少人專程黎到祈求學業進步、考試合格。

太宰府STARBUCKS

 fk4圖片來源

依間位於太宰府嘅STARBUCKS係知名建築大師隈研吾嘅作品,店外店內都用咗木條交錯嘅設計,融合咗自然同日系嘅禪意元素。非常引人注目,係太宰府熱門打卡地點之一。

太宰府名產】梅枝餅

fk5圖片來源

梅枝餅係太宰府當地嘅傳統小食,原來背後跟學問之神 – 菅原道真有關。據說當年道真公被謠言迫害流放到太宰府,有位好心嘅婆婆送上插住梅枝嘅烤餅俾道真公食。久而久之,梅枝餅就成為咗太宰府嘅特色小食!小編食完就覺得似紅豆餅~ 哈哈!有興趣嘅朋友就一定要試吓~

 

下午2:00 由太宰府出發福岡塔 

福岡塔

fk5

圖片來源

福岡塔高234米,係全日本最高嘅海濱塔,同時仲係福岡市嘅西部象徵建築。外面被8000塊鏡窗覆蓋,遠睇非常閃亮,所以福岡塔另一個別稱叫做「鏡貝」。上到塔頂可以環望附近一帶嘅市景同海景。由於福岡塔離最近嘅地鐵站都要行成20分鍾左右,所以小編比較推薦用福岡市內一日乘車券搭巴士去。

 

下午5:00 由福岡塔出發天神地區 

天神地區

天神地區係九州最熱鬧,最大嘅商業圈。入面有好多唔同嘅大型百貨品牌,仲有天神地下街。鍾意shopping嘅朋友千祈唔好錯過!

天神地下街

fk6圖片來源

 天神地下街貫通咗天神地區嘅南北部,全長約600公尺,以仿19世紀歐洲風格建設而成。入面有好幾間100/300yen 嘅生活雜貨店、流行服飾店、書店等,絕對可以行足成個晏晝!

天神Bic Camera

fk7圖片來源

Bic Camera係日本非常出名嘅電器鋪品牌,喺天神區有2間分館。1號館專賣運動用品、電腦同相機類;而比較大嘅2號館就主要賣吸塵器、除濕機、廚房等等嘅家電,就連藥妝和玩具都有得買!

 

晚上:由天神地區返回博多車站

再由博多車站到福岡機場國際線返程回港

結束太宰府+福岡塔+天神一日遊

 

依張福岡市內一日乘車券真係方便又慳到錢!如果大家對泛舟觀光有興趣嘅話,仲可以直接買太宰府柳川觀光套票!入面已經包咗西鐵電車來回車票同柳川泛舟乘船券,等大家可以細意欣賞位於太宰府附近,有「日本威尼斯」之稱嘅柳川!除咗太宰府、柳川、福岡塔、天神外,福岡仲有好多好玩嘅地方!想知更多有關福岡市內一日乘車券嘅詳情或者其他遊日資訊歡迎黎texpert.com睇吓!

 

更多九州交通工具:
九州JR PASS
太宰府柳川觀光套票
九州巴士劵-SUNQ票

 

發表迴響