瑞士 奧地利 專欄作家 小編遊記 德國 旅遊指南 未分類 歐洲

歐洲3大聖誕市集

歐洲3大聖誕市集

去歐洲旅行購物平時除咗去百貨公司之外,其實仲可以去行下市集,喺嗰到大家會搵到好多特色貨品同小食,最啱大家去「尋寶」!而12月期間,市集仲會化身成聖誕市集,普天同興過節日。歐洲多個地方,例如德國、瑞士同奧地利都有出名嘅聖誕市集,每個市集各有特色。小編就同大家介紹吓喇~

1)德國‧柏林聖誕市集pic1.png圖片來源

喺眾多市集中,夏洛滕堡宮聖誕市集是最著名嘅。除咗喺燈光照射下城堡特別浪漫外,以往有超過150個德國本土同外地單位喺到擺檔,仲可走入城堡睇睇各種嘅手工藝展添!

pic2.jpg圖片來源

嚟到聖誕市集梗係要嘗試當地嘅小食喇!喺呢到嘅小吃攤位當中,唔難搵到鈕結麵包(Brezel)、酸菜、烤肉串、香腸等食物,不過最受歡迎嘅都係一杯熱辣辣嘅Gluhwein(熱紅酒)。佢已經成為聖誕市集嘅傳統,難得一場嚟到當然要飲返杯。喺購買紅酒嘅時候,不妨選擇一啲以精緻杯子盛酒嘅店舖,因價錢通常包含咗酒杯嘅費用,飲完可直接將隻杯帶走,作為聖誕市集之旅作記念。

2) 瑞士聖誕市集─伯恩、巴塞爾、蒙特勒pic3.jpg圖片來源

而瑞士嘅聖誕市集就俾人一種溫暖嘅感覺。當地裝飾多以蠟燭為主,燈飾亦採用似爐火一樣嘅淡黃色。以漂亮同熱鬧著稱嘅市集分別喺伯恩、巴塞爾同蒙特勒,遊客可以喺美麗嘅古城中感受濃厚嘅聖誕氣氛。除此以外,主要城市如琉森、日內瓦同蘇黎世都會有規模不一嘅市集。基於瑞士鐡路發展成熟,遊客可以經專業旅運代訂瑞士旅遊通票,可免費參觀超過 500家博物館、免費乘坐絕大部分全景觀列車和在90個鄉鎮和城市免費乘坐公共交通工具等等集景點、交通於一身,盡情遊走瑞士各大城市。

3) 奧地利‧維也納聖誕市集pic4.jpg圖片來源

維也納係奧地利嘅首都,市內古典音樂氣氛濃厚,吸引各國音樂家聚集於此,有著「音樂之都」嘅美譽。除此以外,當地嘅建築都各具特色,著名景點有:史蒂芬大教堂、國家歌劇院同霍夫堡皇宮等。冬季期間,市內會鋪上一層又一層嘅白雪,喺市內遊覽別有一番風味。pic5.jpg圖片來源

嚟到十一月中,市內嘅聖誕氣氛日漸濃厚,街道上唔難發現各種聖誕裝飾同擺設。而氣氛最濃厚嘅必定係市政廳廣場前嘅聖誕市集,係奧地利規模最大嘅聖誕市集!屆時百多間小木屋造型嘅攤位會售賣嘅香噴噴美食、為聖誕而設嘅熱酒、傳統手工藝品同聖誕裝飾等,旅客必定能夠滿載而歸。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s