北海道 名古屋 四國 大阪 專欄作家 小編遊記 山陰地區 旅遊指南 日本 東京 九州

JR Pass 車券種類整理

JR Pass 車券種類整理日本鐵道 (Japan Railway) 簡稱JR,一直以黎為咗方便遊客推出咗好多唔同地區嘅JR PASS。只要手持JR PASS就可以喺期間內無限次使用指定鐵路,真係好方便!係日本自由行嘅必備之選!不過JR PASS 種類繁多,淨係車券種類都有3種,分別為兌換券、電子兌換券同實體券,唔少第一次去日本自由行嘅朋友都覺得幾複雜。所以今次就等小編介紹吓JR PASS 嘅車券種類啦!

喺日本國外預訂買到嘅JR PASS會根據所使用嘅地區而有不同車券種類俾您揀,分別為1.實體兌換券 2.電子兌換券3.實體券。而當中主要都係全部都要先到JR主要車站進行兌換/開通先用得!

1.實體兌換券

如果您係喺旅行社分行買實體兌換券(Misc. Charges Order – MCO)方式領取嘅JR PASS 嘅話。咁當您抵達日本之後,要先帶埋張實體兌換券(MCO)同護照,到JR主要車站嘅交換所換取JR PASS,之後就可以直接使用㗎喇!

*如果係經網頁/APPs等電子方式買兌換券嘅話,記住要先帶埋電子憑證同身份證明文件到所選分行領取番JR PASS 兌換券!淨係得電子憑證,而無兌換券/實體兌換券嘅話,去到日本係換唔到JR PASS㗎!!

steps

 

2.電子兌換券

如果您所買嘅JR PASS係電子兌換券換領嘅話,只要憑住付費後寄去Email嘅電子兌換券同護照就可以直接喺日本兌換JR PASS!唔洗特登再到旅行社分店拎實體兌換券(MCO),幫您慳番時間!

3.實體券

實體券同實體兌換券(MCO)大同小異,都要事先喺旅行社到領取JR PASS實券。唔同嘅係實體券唔需要到日本當地嘅交換所兌換,使用時隨身攜帶護照,由JR站務職員進行人手驗票。(切勿從自動驗票閘口出入)

為咗方便大家,今次就等小編整番個列表一次列哂邊個地區係有邊隻券啦!

graph

簡單黎講,JR PASS都係用實體兌換券(MCO)為主,所有地區嘅JR PASS都有賣實體兌換券(MCO),九洲地區嘅JR PASS就再多種販賣方式–電子兌換券,而關西地區就最方便,3種券都有賣,可以俾您揀最方便自己嘅車券種類。

希望今次小編嘅整理介紹可以幫到大家分清楚實體兌換券(MCO)、電子兌換券、同實體券嘅分別,兌換JR PASS唔洗再煩惱!想知多啲JR PASS同日本嘅旅遊情報,就要留意texpert.com睇更多喇!

去日本自由行,您可以留意

【輕鬆遊日本】日本鐵路周遊券 JR PASS

【遊日必備】日本URoaming 4G WiFi蛋 (香港領取)

 

發表迴響