北海道 專欄作家 小編遊記 旅遊指南 日本 未分類

【補助¥12,000】北海道5天建議行程

【補助¥12,000】北海道5天建議行程

自北海道地震,北海道政府為復興當地旅遊觀光產業,就推行「北海道補助劃」,發放補助金給全球指定旅行社,吸引旅客前住。依家只要經專業旅運預訂指定北海道自由行套票,可享每位每晚¥3,000補助,補助金額高達¥12,000 (結算為港幣$800  ) 架!

咁抵!就緊係要趁機會走訪一次北海道喇!小編就幫大家準備咗北海道5天建議行程,無論你自駕遊定搭JR 都可以一次過暢遊札幌、登別、小樽!

Day 1 香港 -> 札幌->登別

乘搭香港航空至北海道新千歲機場需時約 4小時55分鐘。一落機就當然第一時間前往登別喇!登別有3個景點係必去,包括係地獄谷、熊牧場同溫泉街。

溫泉街 & 地獄谷

登別溫泉地獄谷

圖片來源

登別溫泉地獄谷係日本著名溫泉-登別溫泉嘅水源,由登別溫泉街徒步數分鐘即可抵達。大約1萬年前,日和山火山爆發形成嘅火口痕跡,即為今日直徑450公尺、面積約11公頃嘅登別溫泉地獄谷。從依到湧出嘅溫泉,被輸送至登別當地各溫泉旅館。此地四處可見由赤紅色嘅岩石及黃灰色嘅岩丘,裂縫噴出嘅溫泉、蒸氣、以及火山煤氣,硫磺嘅濃烈氣味瀰漫,「地獄谷」因而得名,包括有昭和地獄、龍巻地獄、鉛地獄、鐵砲地獄等大小15種地獄,被認定為「香風景百選」及「北海道遺産」。

溫泉街住宿推介 - 第一瀧本館

第一瀧本館.jpg

圖片來源

第一瀧本館係最悠久嘅老字號旅館之一!從大浴場嘅大片窗戶不但可以眺望四季分明嘅景色,而且本館到名勝景點「地獄谷」同溫泉街散步都好方便!最重要嘅係,第一瀧本館擁有「登別溫泉」中最大嘅溫泉大浴場。200萬公升嘅溫泉水量,令入住嘅旅客一次過享受各式各樣嘅温泉,例如有天溫溫泉、檜木溫泉、氣泡溫泉、蒸氣溫泉等,可以話係最高級嘅溫泉天堂。

登別熊牧場

熊牧場.jpg

圖片來源

登別另一個特色景點當然仲有熊牧場喇!有別一般嘅牧場,今次嘅主角就變成棕熊。相傳北海道棕熊被原住民愛伊奴族人供奉為神靈,係北海道最大嘅獸類,所以至今約有2000頭棕熊喺北海道生息繁衍。

Day 2 登別->小樽

由登別自駕至小樽經道央自動車道約2小時;如選擇乘搭JR 嘅話就大概需要3小時 (由幌別站上車至札幌站,再轉乘至小樽站)。如果你係第一次到訪小樽,以小樽運河就最具代表性。

小樽運河

小樽運河.jpg

圖片來源

小樽運河於1923完工,係支撐著北海道開拓歷史的港灣都市「小樽」海運嘅水路,水路沿岸有古老嘅倉庫林立,係一個具有歷史氣息嘅地方。早上,大家可以沿著運河散步,以倉庫作為背景,為朋友、另一半拍下美相。到了晚上,沿路設置嘅63座煤氣燈,於黃昏後點燈,琥珀色嘅燈光點綴了運河與石造倉庫群,展現出有別於白天嘅截然不同氣氛。

Day 3 小樽->札幌

札幌貴為北海道最大嘅城市,大家當然亦要多花時間探索,體驗北海道濃厚嘅冬日氣氛喇!而全長超過 1400 米嘅大通公園,冬天則舉行札幌最盛大嘅活動- 札幌冰雪節。喺冰雪節期間,大通公園內到處都豎起壯觀嘅雪塑和美麗嘅冰雕,將冬雪之美展現喺大家眼前。

白色戀人公園

圖片來源

冬日限定活動除咗有札幌冰雪節之外,大家仲要趁機會到白色戀人公園,欣賞冬季浪漫燈光Show!有別於一舨對白色戀人公園嘅認識之外(白色戀人公園係北海道知名點心“白色戀人”嘅製造工廠,還有能夠品嘗ISHIYA特製甜點嘅咖啡店、能夠製作只屬於自己嘅白色戀人嘅體驗工房等),冬季浪漫燈光Show活動期間特意為大家準備﹐於時針台和屋頂裝上冬日裝飾,約10萬顆燈泡將白色戀人工廠妝點得光彩耀眼。仲有一個顆約10公尺高嘅聖誕樹俾大家打卡!

Day 4  札幌

狸小路商店街

狸小路.jpg

圖片來源

你可能會問小編,前3日嘅行程都係行唔同嘅景點,邊有時間shopping! 唔緊要,狸小路商店街絕對係愛shopping 嘅你必到嘅商店街。位於札幌市中心嘅狸小路商店街,約200家商店鱗次櫛比。不論係特色飲食小店,定係土特產商店都一應俱全。

場外市場

札幌市中央批發市場 場外市場

圖片來源

大阪有黑門市場;東京有築地市場,黎到北海道就係要去札幌市中央批發市場 場外市場喇!大家可以品嘗到採用從北海道各地早晨剛到貨嘅新鮮魚、貝類、海鮮蓋飯同壽司。其中,北海道捕撈嘅蟹可以話係海鮮土特產中最具人氣,必食!!!

Day 5  札幌->香港

帝王蟹

玩到最後一日要返香港,唔捨得北海道美味鮮甜嘅海鮮!? 唔緊要!北海道嘅新千歲機場於國內線2F大廳區域設有北海道特產品直銷市場,大家可以把握最嘅機會,趁返香港之前將北海道嘅海產如帝王蟹「打包」上機!哈哈。

你可能有興趣:

【北海道補助金計劃】北海道 5 天自由行

發表迴響