名古屋 專欄作家 小編遊記 旅遊指南 日本 未分類

JR鐵路名古屋。昇龍道5日4夜行程推薦

JR鐵路名古屋

位於日本中部嘅名古屋,西面有大阪,東面有東京。名古屋被2大熱門旅遊地包圍,所以相比之下,名古屋的確失色不少。其實,名古屋除咗有著名嘅白川鄉之外,仲有多個行程景點去好值得去,今次小編就用高山、北陸地區 5天周遊券教大家玩轉涵蓋名古屋及日本中部北陸地區嘅昇龍道。

手持高山、北陸地區 5天周遊券,可以從名古屋或大阪出發,不限次數自由搭乘JR特急列車及巴士。乘坐特急號列車Thunderbird由大阪至金澤僅需約2個半小時!絕對係你遊覽高山北陸地區嘅交通神器。

Day 1: 高山 - 《你的名字》取景地@飛驒古川 & 氣多若宮神社

《你的名字》取景地@飛驒古川

大熱日本電影「你的名字」雖然已經上映咗2年有多,但唔少朋友會繼續飛去取材地打卡!位於岐阜縣嘅飛驒古川車站就係其中一個必到嘅影相位,等大家可以重演一次瀧(男主角)尋找三葉(女主角)嘅劇情~

除咗飛驒古川車站之外,氣多若宮神社被認為係三葉及妹妹四葉擔任女巫嘅「宮水神宮」嘅參考原型。大家有時候嘅話亦可以到訪氣多若宮神社,由高處遠眺飛驒古川町。

美食推介:飛驒牛燒肉.丸明

飛驒牛燒肉.丸明

圖片來源

去到飛驒古川必食料理.最高等級嘅名產「飛驒牛」。燒肉店 - 丸明會羅列出當日使用嘅飛驒牛嘅出產處,等你食得開心又放心!

Day 2:白川鄉

白川鄉

圖片來源

日本童話小鎮 -白川鄉,不論四季都有宜人嘅景色,特別到了冬天,更會有合掌村冬季期間限定活動「白川鄉點燈」,點燈活動一年只有6次!喺雪白嘅季節中,合掌造屋慢慢亮嘅柔黃燈光,為漆黑嘅夜空帶來溫暖;同時亦為這個傳統小鎮上演如童話故事般嘅夢幻場景!只要手持高山、北陸地區 5天周遊券,就可以乘搭濃飛巴士,往來高山~白川鄉~金澤。咁就可以由高山出發,尋找位於深山秘境嘅「合掌村」。

欣賞完白川鄉嘅美景後,大家可以同樣登上濃飛巴士,直接前往有「北陸小京都」之稱嘅金澤休息,為第3天嘅行程做好準備。

美食推介:法日Fusion懷石料理.Makino

Makino

圖片來源

Makino作為金澤市係位於犀川嘅一家隱世小型法國餐廳,只有12個座位。廚師巧妙地將石川縣嘅新鮮食材,與法式烹飪技巧結合,形成獨一無二Makino法國菜。必食料理.金澤能登牛肉!

Day 3:金澤 - 兼六園、近江町魚市場

JR central

去到「北陸小京都」之稱嘅金澤,當然唔少得遊覽傳統日式庭園喇!金澤嘅兼六園係江戶時代大名所建造嘅私家庭園,有著「日本三大名園」之譽,與岡山縣岡山市嘅後樂園、茨城縣水戶市嘅偕樂園齊名,不論春、夏、秋、冬都可以欣賞到絕佳嘅美景。

近江町魚市場

圖片來源

如果餓了嘅話,近江町魚市場會係你最佳選擇!近江町市場已經有400年歷史,唔少當地人都會專程到市場買新鮮嘅海鮮,所以有「金澤人的廚房」嘅美譽~各位餓底,又係時候出動喇!

山代溫泉

圖片來源

由金澤出發,使用高山、北陸地區 5天周遊券乘搭JR鐵路,約1小時20分鐘,就可以到達北陸石川縣加賀市嘅溫泉勝地 - 山代溫泉。山代溫泉擁有1300年以上之久嘅歷史,其泉水對於治療風濕病、腰痛、慢性胃腸炎、神經痛、慢性婦女病、皮膚病、通風等都有療效。

 

Day 4 山代八景

山代溫泉總共有8大名勝,合稱「山代八景」,當中包含:

・大堰宮の桜並木

・薬王院温泉寺の紅葉

・萬松園の遠望

・専光寺袈裟掛の松

・服部神社の巨木

・薬壺の湯・瑠璃光湯煙り

・女生水・男生水

・真菰ヶ池と松籟公園

大須商店街.png

圖片來源

遊覽完山代「山代八景」之後,可以使用高山、北陸地區 5天周遊券乘搭JR鐵路,約3小時30分鐘車程就回到名古屋。想要Shopping或要手信嘅朋友,小編推薦到【大須商店街】逛逛。大須商店街400年以來就作為寺廟聚集街道存在著,過去傳統藝能文化盛行,現在則是老店和新店林立,1,200店鋪以上聚集嘅商業區,同時亦係高人氣嘅觀光勝地。

 

Day 5:名古屋Outlet – MITSUI OUTLET PARK 爵士之夢長島

MITSUI OUTLET PARK 爵士之夢長島

圖片來源

Shopping精嘅你必到! 超過300間商店,當中包括CIAOPANIC、PEACHJOHN、RonHerman、MargaretHowellA.G.O.、THE NORTH FACE、 haglofs、new balance、Barbour、Mackintosh、Onitsuka Tiger。小編只希望大家唔好喺最後一日買爆喼喇 XD!

 

總結5天行程,大家利用高山、北陸地區 5天周遊券,乘搭JR 鐵路,一次走勻飛驒古川、金澤、加賀市嘅山代溫泉、名古屋,仲可以搭上濃飛巴士,尋找位於深山秘境嘅「合掌村」!要玩轉名古屋話咁易喇~

 

你可能有興趣:

高山、北陸地區 5天周遊券

高山北陸‧白川鄉‧加賀溫泉5天

發表迴響