韓國 小編遊記 旅遊指南 澳紐 澳洲

【海外馬拉松】賽前注意事項你要知

 

Template for column

圖片來源:悉尼馬拉松

近年愈來愈多人鐘意挑戰自己,除左本土嘅渣打馬拉松外,好多香港人都會跑出香港,去海外參加不同賽事,因為可以一邊跑步一邊觀賞景色,用最貼地嘅方法感受當地最真實一面。而最為熟悉嘅都係台北、東京、大阪、京都馬拉松。因為較近同埋較易報名。其實其他地方都有不同好受全球歡迎嘅賽事,詳細可參考【跑出香港】2019海外馬拉松全攻略(持續更新)。跟著小編就會由報名到賽前,分享一啲海外馬拉松心得,希望大家跑得安全舒服又安心啦!

報名注意:

126.jpg

1.留意報名及截止日期

好多海外馬拉松係當地都係大型盛事,好似悉尼馬拉松、大阪馬拉松或者韓國慶州櫻花馬拉松等。所以一定要Mark定幾時報名同截止,因為好多熱門嘅賽事都係一開始公布報名就full曬。

2.注意是否接受海外人士報名

有部分海外馬拉松會細分為海外及本地名額,一般海外名額都係較少,所以如果你見到海外名額已full曬,但本地名額仲有位時,都唔好博大霧報名,因為去到當地報到時極有機會被取消參賽資格。

1974778.jpg

3.留意護照有效期

一般海外馬拉松都會提前半年左右報名,所以要留意自己本passport有效期,而一般好多國家入境條例都係要求旅客護照有半年有效期,所以大家記得check清楚喇!

 

賽前準備工作:

1.留意及預習賽道

去到海外馬拉松,一般都係人生路不熟,所以更加要預習及留意賽道。好似要記得上落斜位,邊到有補給站,而製定你自己嘅比賽策略。而且都要留意行李及個人物品存放區位置,跑完都可以輕鬆拎番自己嘅財物。

2.帶齊比賽裝備

出發前要帶齊比賽裝備,例如基本嘅跑鞋、運動衫,而一般都唔建議著新鞋跑步!另外仲可以帶按摩膏,能量包、毛巾、要更換嘅衣服等等。

preview.jpg

3.提早BOOK定酒店

馬拉松絕對係當地嘅大型盛事,會吸引到大量遊客到訪當地,所以必須提前BOOK定酒店。而大家最後就係揀離起點站近嘅住宿,咁就唔洗一早花太多時間去起點,可以爭取更多休息時間。

圖片來源

海外馬拉松一般都較難報名,而大家必須提前準備報名文件。好似嚟緊嘅新西蘭霍克斯灣國際馬拉松,沿途會經當地出名嘅葡萄酒園,環境非常優美,每年都吸引好多跑手。仲有韓國慶州櫻花馬拉松就係跑道兩旁都係櫻花樹,簡直就係一生人必定要跑一次。而澳洲悉尼馬拉松亦係世界盛事,沿途會經過悉尼歌劇院等地標。

上述馬拉松都有分不同組別,好似全馬、半馬 、10KM、親子組等。所以好岩不同跑手參與,就算你係入門級都必定可以係海外馬拉松揾到跑步嘅樂趣!

 

你可能有興趣:

【跑出香港】2019海外馬拉松全攻略(持續更新)

 

發表迴響