小編遊記 旅遊指南 日本

【每年限定】立山黑部交通情報

Template for column.jpg

圖片來源

立山黑部會係2019年4月15日開山,到時一定吸引好多遊客上山睇遊覽,個陣交通可能會非常擁迫,所以想上出嘅朋友而家要開始諗定用咩Pass上山,如果唔plan定miss左嘅話又要可能等下年喇!

1. 揀個最適合Pass

top_btn_syuyu_alpen.jpg

圖片來源

講到最方便嘅pass就一定係呢張「立山黑部、高山、松本地區周遊券」,因為可以無限程咁係名古屋搭JR特急列車同埋穿梭立山黑部阿爾卑斯之各個路線,好似富山-立山-室堂-大觀峰-黑部大壩-信濃大町之間6種交通工具都包曬。呢張pass實在太方便,而且覆蓋程度好廣,所以有呢張pass就基本上可以搞掂成個行程,來回名古屋至立山絕對唔係問題,而且仲可以去埋其他周邊景點。

2. 兌換車票

由於車票需要兌換,所以大家可以先係名古屋駅嘅JR案內所辦理手續,大家亦可以即時預定指定席之座位。

3. 建議路線

由名古屋可以用「立山黑部、高山、松本地區周遊券」去到富山站,個到離立山黑部非常近,所以好多人都揀當地做中轉站。另外,富山亦有天然漁場之稱,好似富山灣限定嘅白蝦、螢光烏賊及寒鰤就係必食之選,大家可以食飽抖夠,第2日再出發去立山黑部!

Bijodaira_Station_美女平車站_-_panoramio.jpg

圖片來源

之後就可以用「立山黑部、高山、松本地區周遊券」由富山站出發,前往立山駅。所以之後係立山可以乘搭登山纜車去美女平,同樣地用呢張pass都係唔洗錢乘搭嘅。到左美女平就可以坐立山高原巴士去室堂。

 

35699240314_3b197e5dd5_b.jpg

圖片來源

到達室堂之後,可以四圍遊覽一下,好似著名嘅大雪谷(雪之大谷)、御庫裏池、地獄谷等等。之後就可以坐無軌電車去大觀峰,到達之後就可以係展望台欣賞立山風景。

之後可以係大觀峰嘅黑部平展望台欣賞立山風景及打卡。最後就可以坐登山纜車去黑部湖,參觀黑部水庫,之後就可以搭無軌電車去扇澤駅,完結立山之行。以上路線嘅交通工具,好似無軌電車、登山纜車、高原巴士都係個pass包嘅!!!(很重要,要講多幾次)所以要登山就要呢張「立山黑部、高山、松本地區周遊券」,因為真係又抵又方便!

4. 周邊景點

除左上立山黑部之外,其實呢張pass仲可以去周邊唔同嘅景點:

飛驒古川

嚟到飛驒古川緊係要試全國冠軍牛 – 飛驒牛!入口即溶,加上完美嘅油脂分布真係諗到就想食。

【日本景點】飛驒古川_(32135694553).jpg

圖片來源

另外,當地都係電影「你的名字」主要取景地,大家食飽亦可以係個到打卡,好似飛驒古川車站,站外的士站等。

松本

15678787817_94f2a3cee0_b.jpg

圖片來源

市內就有一個國寶級嘅松本城,差唔多有四百幾年歷史,而城外嘅建築亦打理得非常新淨,絕對係市內必去之地。

要上山欣賞呢個人生必看嘅雪景就要做好準備,最緊要就係用呢張咁方便嘅pass,一個價錢包你由名古屋上去立山黑部嘅交通,六種交通工具任你搭,所以要上山就一定要呢張「立山黑部、高山、松本地區周遊券」!

詳細日本立山黑部3日2夜行程 / 立山黑部、高山、松本地區周遊券

 

 

 

發表迴響